Manuel Neuer, markmaður Bayern Munchen, er byrjaður að æfa eftir slæmt slys sem hann lenti í á síðasta ári.
Neuer fór þá á skíði án leyfis eftir að Þýskaland datt úr keppni á HM í Katar og hefur ekki spilað í marga mánuði.
Stjórn Bayern á þessum tíma var alls ekki ánægð með framkomu Neuer en hann fékk ekki leyfi til að skella sér á skíði.
Nú er ekki langt í það að Neuer geti spilað á ný en hvort hann sé enn aðalmarkvörður Bayern verður að koma í ljós.
Þjóðverjinn þurfti að fara í aðgerð eftir að hafa fótbrotnað en er nú að ná sér að fullu sem eru góðar fréttir fyrir Bayern.
Neuer er kominn á seinni ár ferilsins en hann er 37 ára gamall og gæti þurft að sætta sig við bekkjarsetu á tímabilinu.