Creditinfo hefur í fjórtán ár veitt Framúrskarandi fyrirtækjum í íslensku atvinnulífi vottun fyrir góðan og traustan rekstur og þannig verðlaunað þau fyrirtæki sem standa sig vel og stuðla að bættu viðskiptaumhverfi.
Listi Creditinfo yfir Framúrskarandi fyrirtæki 2023 er birtur í dag við hátíðlega athöfn í Hörpu. Þar verða bæði veittar viðurkenningar og boðið upp á skemmtilega og óhefðbundna dagskrá.
Hægt er að fylgjast með viðburðinum í beinni útsendingu hér á mbl.is, en dagskrá hefst kl. 17:00.
Þá var sérstöku aukablaði um Framúrskarandi fyrirtæki dreift með Morgunblaðinu í dag. Þar er fjallað um hóp fyrirtækja á listanum og ýmsar tölulegar staðreyndir sem honum fylgja.
Hér er hægt að nálgast eintak af blaðinu.
