حالات خرابی کا سب اعتراف کررہےہیں ذمہ داری قبول نہیں کررہے، امیرجماعت اسلامی پاکستان
حالات خرابی کا سب اعتراف کررہےہیں ذمہ داری قبول نہیں کررہے، امیرجماعت اسلامی پاکستان
لاہور: امیرجماعت اسلامی پاکستان سراج الحق نے کہا ہے کہ حالات خرابی کا سب اعتراف کررہےہیں ذمہ داری کوئی قبول نہیں لے رہا۔
سراج الحق نے لاہور میں تقریب سے خطاب کرتے ہوئے کہا کہ خبردیکھی کہ وفاقی حکومت نےپٹرول فی لٹر8روپے سستاکردیا، ساتھ ہی خبرپڑھی کہ گیس کی قیمت میں20فیصداضافہ کردیاگیا۔
ان کا کہنا تھا کہ لوگوں کےچہروں سےمسکراہٹیں غائب،خوف وبےیقینی ہے، چاروں طرف تباہی و بربادی ہے، صدر،وزیراعظم سےپولیس تک سب حالات خرابی کااعتراف کررہےہیں، ذمہ داری کوئی بھی قبول کرنےکوتیارنہیں ہے۔
سراج الحق نے مزید کہا کہ افغان کرنسی پاکستان سے3گنازیادہ مضبوط ہے، بنگلادیش،نیپال،بھوٹان،سری لنکا،انڈیا سب ترقی یافتہ ہیں، کیاہماری معیشت ٹھیک اور امن وامان صورتحال بہترہورہی ہے؟۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔
