E vica na ulutaga levu era veivosakitaka ena Matabose Levu Vakaturaga ena siga Vukelulu, sai koya na kena vakabibitaki na vuli, valuti ni bula dravudravua kei na taqomaki ka vakabulabulataki na itovo kei na ivakarau na kawa iTaukei.
Nai liuliu ni soqosoqo vakamarama iTaukei o Adi Finau Tabakaucoro ka tiko talega ena Bose Levu Vakaturaga mai Bau ena siga Vukelulu. Veitaba: Leon Lord
E vica na ulutaga levu era veivosakitaka ena Matabose Levu Vakaturaga ena siga Vukelulu, sai koya na kena vakabibitaki na vuli, valuti ni bula dravudravua kei na taqomaki ka vakabulabulataki na itovo kei na ivakarau na kawa iTaukei.
Me vaka ni sa matata tu vakasigalevu ni 75 na pasede na lewenivanua era sotava tiko na bula dravudravua sa ira na kawa iTaukei.
E vakaraitaka nai liuliu ni soqosoqo vakamarama iTaukei ko Adi Finau Tabakaucoro ni sa dodonu me vakabibitaki na vuli ena noda veitikotiko vaka iTaukei.
“Ni’da sa vuli vinaka, ena tarava mai na cakacaka, kei na tiko vinaka ena noda vei koro kei na veitikotiko vakavanua.”
Tukuna ko Adi Finau ni sega ni tukutuku rogorogo vinaka na noda dravudravua na kawa iTaukei, baleta e wase levu ni qele eda taukena tu, ka sa yaga kina meda vakayagata sara vinaka.
“Ni da sa vuli vinaka, ka vakayagataka vakavinaka na qele, ena rawa ga ni valuta na bula dravudravua ena noda vanua.”
E kaya ni dodonu me levu sara na veivakararamataki ni matabose levu vakaturaga me rawa ni vueti o Viti me dua na vanua vinaka ka sautu mai muri.
Tomana ka kaya ni na taucoko ga na noda bula kevaka eda rokova ka maroroya vinaka na noda itovo kei na ivakarau me kua ni waicala.
.
To read more, click on this link to access the full article and details: https://eedition.fijisun.com.fj/subscriptionplans
Story By: [email protected]
