Tauyavu Me Qaravi Ira Vakatautauvata Na Kawa iTaukei

Oqo na veika e masulaka tu mai ena loma ni 12 na yabaki sa oti ko Louis Ul­uibau Buadromo na turaga ni Lakeba mai na yatu Lau.

Ena veiyabaki sa oti, e dau mositi Louis voli me dau raici ira na gone iTaukei dau qito mera gole sara mai Naitasiri, Rewa, Tailevu kei na yasaya­sa vaka Nausori me ra lai vakagaya­gataka na vale ni vakaukauwa yago e tiko mai Laucala ka vakatokai tiko na Rabuka Gym.

Ko Louis esa yabaki 35, ena gauna oqo esa taura tiko na itutu vaka liu­liu ni dau ni veivakatavulici (High Performance Strength and Condition­ing Coach) ena Fiji National Rugby League (FNRL).

“Ena noqu tutu va daunivevakatavu­lici ena qito rakavi, esa noqu tatadra voli tu ga mai meu na tauyavutaka e dua na noqu gym.”

Na ‘gym’ vou qo e yacana tiko na Planet Fitness ka na dola tiko ena siga Vukelulu ni macawa mai oqo ena sitoa naba ciwa ena Hexagon Complex and Event Center, mai Nausori. Ena dolava tiko na ‘gym’ na Minisita ni Qele ko Filimoni Vosarogo, ena 10 na kaloko ena ma­taka.

E kaya ko Louis ni sega ni tosotoso rawarawa nona sasaga voli mai, ia e vakavinavinakataka na turaga tamana ko Taito Buadromo ena vei­tokoni levu e vakayacora tiko mai me yacova ni sa mai vakavotukana nona tatadra.

O Louis e vakaitikotiko mai Nau­sori. E kaya ni levu na gauna e dau raici ira tiko na dau qito mai na vei koro me ra gole sara tiko ki Suva ena vuku ni vakaukauwa yago, ka sa solia vua e dua na yalo ni gu me dolava ga e dua na nona me voleka ga vei ira na dau qito oqo.

“Ena loma ni 12 na yabaki noqu sasaga tiko mai, sa qai vakadonui kece na veika vakaivola, ka yaco ga na veika oqo ena kaukauwa ni Kalou kei na nodrau veitokoni na noqu itubutubu.”

To read more, click on this link to access the full article and details: https://eedition.fijisun.com.fj/subscriptionplans

Story By: [email protected]