May panibagong kontrobersiya na pinag-uusapan ang mga netizen matapos mag-viral ang overpriced na pagkain sa Virgin Island sa Panglao, Bohol kamakailan.
Sa pagkakataong ito, isang batang turista naman sa Boracay ang siningil umano ng P16,000 sa pagpapatirintas ng kanyang buhok.
Nag-trending ang kuwento nang i-post sa Reddit, isang social news website, ng isa umanong hotel manager ang paniningil ng P16,000 sa anak ng isang foreigner.
“After Bohol now Boracay: white dad in the background got charged P16,000 for this girl’s hair braid,” ayon sa manager.
“I’m the manager of Levantin, a small hotel in Bulabog. This happened to one of our guests and we are also complaining about it here in the Boracay community,” dagdag niya.
Ilang netizen naman ang nagsabi na maraming ganoong insidente sa Boracay na isang trap sa mga turista.
“Unfortunately maraming ganito sa Bora. Marami na rin nagpost sa FB pero walang aksyon from the LGU/Tourism office. Ang siste is sasabihin 300 lang. 300 per strand pala. This is a trap not just for foreign tourists, pati rin sa locals,” sabi ni itsawesomeki. (Issa Santiago)
