Hindi naman ‘big deal’ kay Senador Jinggoy Estrada na makikihati pa ang kanyang kasamang senador sa komite niya.
Ang Committee on Labor and Migrants Workers ay plano ng liderato ng Senado na hatiin na kung saan ang Committee on Labor ay pamumunuan ni Estrada habang si Senador Raffy Tulfo ang hahawak naman ng Commiitee on Migrants Workers.
Gayunpaman, sinabi ni Estrada na walang problema sa kanya kung hatiiin ang komite bagama’t ngayon lamang umano ito mangyayari.
“I would want to give a chance kay Sen Tulfo na mag-head ng committee ng migrant workers, magme-meeting ang committee on rules sa Monday para pag usapan paano hatiin, wala pa akong na-encounter na hinati ang committee, it is only now I will witness,” ayon pa kay Estrada. (Eralyn Prado)
