PANAUHIN sa People Sports Conversation ngayong araw si FM Alekhine Nouri upang pag-usapan ang nalalapit nitong kampanya sa World Juniors Under-20 Chess Championships sa Oktubre 11-23 sa Sardinia, Italy.
Inorganisa ng Philippine Sports Commission (PSC), kasama rin sa panauhin ang coach ni Nouri na si NM Marlon Bernardino na isang radio commentator at sportswriter, magsisimula ang programa ala-1 ng hapon.
Mapapanood ang buong interview sa paghahanda ni Nouri sa Facebook page ng PSC.
Nabigyan ng pagkakataon si 16-year-old Nouri na irepresenta ang Pilipnas nang magkampeon sa Philippine National Juniors Chess Championships na ginanap sa Philippine Academy for Chess Excellence (PACE) sa Quezon City noong 2021.
Si Nouri ang world’s youngest FIDE Master noong 2013 sa edad na pito, iwawagayway din niya ang bandila ng Pilipinas sa 33ste Open van Leuven na iinog sa Nobyembre 10-13 sa Leuven, Belgium.
Ang international campaign ni Nouri ay suportado ng PSC sa gabay nina officer-in-charge (OIC) Atty. Guillermo B. Iroy Jr. at Commissioner Olivia “Bong” Coo, National Chess Federation of the Philippines (NCFP) Chairman/President Rep. Prospero “Butch” Arreza Pichay Jr., NCFP Vice President Sen. Emmanuel “Manny” D. Pacquiao Sr., NCFP chief operating officer (CEO) GM Jayson O. Gonzales, Philippine Olympic Committee (POC) President at former NCFP secretary-general Tagaytay City mayor Abraham “Bambol” N. Tolentino Jr. at Negros Occidental governor Eugenio Jose “Bong” V. Lacson.
Bilang preparasyon sa nasabing tournamment, sasabak muna ang tubong Escalante City, Negros Occidental chesser sa Sen. Manny Pacquiao at Businessman Changsuk Lyu Tuna Festival meet Tatluhan Chess Team Tournament sa General Santos City sa Setyembre 2-4. (Elech Dawa)
