IBINAON ng Marinerong Pilipino ang Apex Fuel-San Sebastian 74-66 sa opening game ng kanilang best-of-three semifinals ng PBA D-League Aspirants Cup Biyernes ng tanghali sa Smart Araneta Coliseum.
Tatangkain ng Skippers na walisin ang serye sa Linggo para bumalik sa Finals, tiinapos ng Marinero ang first quarter sa bentaheng 21-8 bago dumistansiya hanggang 72-55.
Nagpakalat si Juan Gomez de Liano ng 16 points, 10 rebounds at 7 assists para giyahan ang Skippers, may 15, 14 at 12 points pa sina Arvin Gamboa, Jollo Go at Adrian Nocum.
“Game 1 pa lang ‘to, hopefully sa Game 2 maka-execute ulit kami,” ani coach Yong Garcia. Binitbit ng 12 points ni Ichie Altamirano ang top seed Golden Stags. (Vladi Eduarte)
