NALAGLAG sa bulsa ni Pittsburgh infielder Rodolfo Castro ang phone habang nasa field sa 6-4 loss ng Pirates sa Arizona Diamondbacks nitong Martes.
Nakalibre sa walk ang second-year second baseman sa fourth inning, kumaripas sa third sa single ni Oneil Cruz.
Una-ulo na nag-slide sa bag si Castro para unahan ang bato, sa impact ay niluwa ng back pocket ang telepono.
Tinuro agad ni third base umpire Adam Hamari ang telepono, dinampot ni 23-year-old Castro at inabot kay Pirates third base coach Mike Rebelo.
Naghigpit ang Major League Baseball sa paggamit ng gadgets sa field sapol nang gamitin daw ng Houston Astros ang live TV feeds para nakawin ang signs ng kalaban. Nangyari ‘yun sa World Series championship run ng Astros noong 2018.
Tagumpay na kinamada ni Tommy Henry ang panalo ng D’backs. Nalusutan lang ang rookie ng isang run sa apat na hits sa seven innings. (Vladi Eduarte)
