Pago Pago - AMERIKA SAMOA
O lo o suesueina e le Matagaluega o le Puipuiga o le Saogalemu Lautele se mataupu e faapea na maua ai ni fualaau faasaina i totonu o le lotoa o le aoga maualuga i Tafuna, ma e le o mautinoa le aafia ai o fanau aoga.
Na muamua lipotia e le KVZK-TV le mea na tupu, ma taʻua ai na tupu i luga o le lotoa a le aoga i le Aso Lua, Me 9, 2023. Fai mai o se teutusi o loʻo i ai tamaʻi taga laiti palasitika ma “straw” ua ma’ea on tipitipi o lo’o masalomia le aofia ai o le pauta faasaina o le ‘aisa’. Ma ua oo uma nei fa’amaumauga i le vaega o leoleo.
E ui i fa’amaoniga mai leoleo i le aofa’i o tamaiti a’oga o lo o a’afia, ae na tete’e e le pule a Tafuna, le faletua ia Tutuila Togilau i le ripoti na ulua’i faia e le KVZK-TV e fa’apea, e le o se to’atolu tamaiti a’oga, peita’i sa musu e toe fa’amatala atili.
I se lipoti sa maua e le Samoa News na fa’amaonia ai le aafia o fanau aoga i lenei mataupu, ae leai fo’i se isi fa’amatalaga fa’aopoopo. O lea la ua o gatasi ma le lipoti a le KVZK-TV lea na tulai mai ai le tamaitai o Togilau – o lea ua faailoa e le KVZK-TV le Aoga Maualuga a Tafuna i le latou lipoti, ona e le o talavou uma o ni tamaiti aoga a le THS.
Na taua e le KVZK-TV e faapea, na lipotia e se faiaoga o le THS tamaiti aoga i le ofisa o le puleaoga ina ua ia masalomia o loo ia i latou fualaau faasaina.
Sa taumafai fo’i le Samoa News e fa’atalatalanoa le tama’ita’i o Togilau, peita’i sa musu e fa’ailoa mai le mataupu.
Na lipotia mai na ave e leoleo tamaiti aoga i le Ofisa o Leoleo i Tafuna ina ua latou tali atu i le valaau mai le aoga.
I le taimi nei, talu ai o talavou o lo’o a’afia o lo’o ta’ua e laiti, e le o toe fa’amatu’u mai e le DPS se isi fa’amatalaga ma o lea ua i ai nei le mataupu vaega a tautua a Tamaiti.
