Philippines
This article was added by the user . TheWorldNews is not responsible for the content of the platform.

Sotto, Clarkson patitigasin Gilas

TAMBALAN ang 7-foot-3 na si Kai Zachary Sotto at ang kababayan nitong Filipino-American na si Jordan Clarkson para sa Gilas Pilipinas.

Ito ay matapos na kumpirmahin ng Samahang Basketbol ng Pilipinas (SBP) ang paglalaro ni Sotto para sa pinapalakas na Gilas na sasabak sa ikaapat na window ng FIBA World Cup Asia Qualifiers.

“We are glad to have Kai into the Gilas fold and thank him for his proactive response to the call to play for flag and country for the August Qualifiers,” sabi ni SBP Executive Director at Spokesperson Sonny Barrios.

Ang pagkumpirma ni Sotto ay magsasama dito sa pambansang koponan na patitigasin ng paglalaro ng Utah Jazz guard at dating NBA Sixth Man of the Year na si Clarkson sa Agosto 25 kontra Lebanon sa Beirut at sa Agosto 29 laban naman sa Saudi Arabia sa pagho-host nito sa Manila.

Si Sotto, na ilang beses nakasama sa Piliinas men’s national team, ay darating sa Manila mula sa Australia sa sunod na Huwebes, Agosto 18.

Maliban kina Sotto at Clarkson, makakasama muli sina Dwight Ramos, Thirdy at Kiefer Ravena, Bobby Ray Parks Jr, Francis Lopez, Carl Tamayo, at Kevin Quiambao. (Lito Oredo)