Philippines
This article was added by the user . TheWorldNews is not responsible for the content of the platform.

Sean niyabang ang natikmang ‘best sex’

ROLDAN CASTRO

Langit sa kama ang mararanasan ng isang lalaki kasama ang bagong nakilala mula sa bar. Wala siyang ideya na impyerno na ang kasunod.

Pagkatapos niyang magpaiyak at magpa-“Tahan”, nagbabalik si Cloe Barreto para paiyakin naman sa sarap at sa sakit si Sean de Guzman sa pelikulang “The Influencer”, mula sa direksyon ni Luisito Lagdameo Ignacio.

Si Sean ay gumaganap bilang Yexel, isang sikat na social media influencer. Lagi siyang pumupunta sa bar para maka-pick up ng babae. Isa na roon si Nina (Cloe). Iniyabang pa niya na nakatikim siya ng “best sex” kasama nito. Dahil na rin dito, binali ni Yexel ang kanyang rule na pang-one time lang ang mga babae sa kanya. Muli niyang tinawagan si Nina.

Nagkakilala sila ni Yexel sa bar at hindi na nagpatumpik-tumpik pa at nakasiping na ito. Nang tawagan siya ulit ni Yexel, pinaniwala niya ang sarili na boyfriend na niya ito. Naging stalker siya ni Yexel at nagagalit tuwing nakikita niya ito na may kasamang ibang babae.

Kahit anong pagtataboy ni Yexel kay Nina ay hindi ito natitinag. Ano ang kayang gawin ni Nina para tuluyang mapasakanya si Yexel?

Itinuturing ni Sean na pinaka-daring ang “The Influencer” sa mga pelikulang nagawa niya. Aniya, “Mas daring pa sa daring… malala as in malala talaga…As in ibinigay ko na ang lahat, kasi ang ganda ng istorya eh, kasi hindi mo inaasahan na magiging ganoon ang kalalabasan ng istorya.”

Ito ang ikalawang pelikula ni Cloe na isinulat ng kanyang kaibigan na si Quinn Carrillo, ang writer ng “Tahan”.

Mapapanood ang “The Influencer” sa Vivamax simula August 12, 2022. Produced by 3:16 Media Network ni Len Carrillo at Mentorque Productions ni Bryan Dy. Also starring Ms. Elizabeth Oropesa, Ruby Ruiz, Karl Aquino, Calvin Reyes, Quinn Carrillo.

Mag-subscribe na sa Vivamax sa web.vivamax.net. Maaari ring mai-download ang app at mag-subscribe sa Google Play Store, App Store, at Huawei App Gallery.