Philippines
This article was added by the user . TheWorldNews is not responsible for the content of the platform.

NTC nangalampag! Trabaho scam barado sa mga telco

Naalarma na ang National Telecommunications Commission (NTC) sa pagdami ng fake job text scams kaya agad ipinag-utos sa tatlong malalaking telecommucations firms ng bansa na warningan ang kanilang mga subcriber na huwag magpaloko.

Sa memo na ipinadala ng NTC sa DITO Telecommunity Corp., Globe Telecoms Inc. at Smart Communications, inatasan ang mga telco na magsagawa ng text blast mula June 11 hanggang June 17, 2022 na may mensaheng: “BABALA HUWAG PONG MANIWALA SA TEXT NA NAG-AALOK NG TRABAHO NA MAY PANGAKO NA MALAKING SWELDO. ITO PO AY ISANG SCAM.”

Ayon kay NTC commissioner Gamaliel Cordoba, nagbigay nasila ng kautusan sa mga telcos na i-block ang SIM card na ginagamit sa pagpapakalat ng fake job text.

“You (telcos) are hereby directed to submit a written report of compliance to the Office of the Commissioner on or before June 20, 2022 thru email [email protected],” ayon kay Cordoba.

Inatasan din ni Cordoba ang kanilang regional directors at officers-in-charge na humarap sa local radio and television stations para magbigay ng babala laban sa text scams. (Vick Aquino)