MALAMANG dehins pa maghihiwalay ang Utah Jazz at si Donovan Mitchell.
Hanggang 2025, at least, kung paniniwalaan ang ulat ni Andy Larsen ng Salt Lake Tribune.
“The overwhelming feeling among league insiders is that Mitchell is likely to sign outside of Utah at the first available opportunity in 2025,” ani Larsen nitong Sabado.
Trinade ng Jazz si rim protector Rudy Gobert, matatagalan ang rebuilding. Pinagsama-sama nga sina Gobert, Mitchell, Jordan Clarkson, Joe Ingles , pero naging mailap pa rin ang National Basketball Association title sa Utah.
Sa 2025 magpi-free agent si Mitchell.
Kung sa trade idadaan ng Jazz, tiyak na tatabo ng matataas na picks kapalit ni Mitchell.
Tuwing offseason, nasa New York si Mitchell. May walong first-rounders pa ang Knicks na puwedeng i-trade.
Magkakainteres din si Mitchell sa Miami, pero maliban kay Tyler Herro, dalawa lang ang tradable first round picks ng Heat. (Vladi Eduarte)
