Simula Oktubre 1, aalisin na ng Facebook ang kanilang live shopping feature.
Paliwanag ng Facebook, lumilipat na raw kasi ang mga consumer sa short-form video kaya magpopokus na sila sa reels o maiiksing video na napapanood sa FB o Instagram.
Puwede pa rin naman daw gamitin ang Facebook Live para sa live event ngunit hindi na maaaring gumawa ng product playlist o mag-tag ng produkto sa live video ang seller.
Noong 2018 unang ipinakilala ng Facebook ang Live Shopping upang makapagbenta ang mga netizen sa pamamagitan ng kanilang live streaming feature.
Magiging available ang product tagging sa Instagram Reels ngunit hindi tinukoy kung gayundin sa Facebook Reels.
“From 1 October 2022, you will no longer be able to host any new or scheduled live shopping events on Facebook,” pahayag ng Facebook.
“As consumers’ viewing behaviours are shifting to short-form video, we are shifting our focus to Reels on Facebook and Instagram, Meta’s short-form video product,” dagdag nito. (Issa Santiago)
