Philippines
This article was added by the user . TheWorldNews is not responsible for the content of the platform.

Lespu na gun-for-hire lider, bagsak

Naaresto ng Philippine National (PNP) ang isang dating pulis na sinasabing lider ng Magpali Gun for Hire Criminal Group, na siyang nag-ooperate sa mga probinsya ng La Union at Region 1 at target ang high profile politicians sa Pangasinan.

Kinilala ni PNP Chief General Rodolfo Azurin Jr., ang pulis na si PLtCol Wilson Magpali.

Naaresto siya ng operatiba ng Luzon Field Unit ng Philippine National Police Integrity Monitoring and Enforcement Group (PNP-IMEG) nitong August 7, 2022 sa Brgy. Legaspi, Tayug, Pangasinan.

Wanted si Magpali at may warrant of arrest sa kasong “murder” na inilabas ni Presiding Judge Nyerson Dexter Tito Quilala Tualla, ng Regional Trial Court, First Judicial Region, Branch 28, San Fernando City, La Union. Wala itong inirekomandang bail.

Nakuha kay Magpali, ang caliber 9mm Berreta Pistol na may Serial Number M14880Z, PNP property markings, at tatlong magazines na may ammunitions.

Sinabi ni Azurin na ang suspek ay hawak ng PNP-IMEG Luzon Field Unit para sa documentation. (Kiko Cueto)