Game 4 sa Miyerkoles (Smart Araneta Coliseum)
3 pm – SMB vs Meralco
6 pm – Magnolia vs TNT
Kumapit sa kalmadong free throw shooting nina CJ Perez at June Mar Fajardo ang San Miguel Beer para ipreserba ang 96-91 win kontra Meralco sa Game 3 ng kanilang Philippine Basketball Association Philippine Cup semis sa Smart Araneta Coliseum Linggo ng gabi.
Ayaw sumuko ng Bolts sa fourth quarter, nakadikit pa sa anim pero sa final 30 seconds ay perpektong 2 of 2 pareho sina Perez at Fajardo para ihatid ang Beermen sa 2-1 lead sa best-of-seven series.
Nagsumite si Perez ng 26 points, tumapos si Fajardo ng 21 points at 16 rebounds. May 15 markers pa off the bench si Jericho Cruz at 11 kay Vic Manuel.
Nanguna sa Bolts ang 16 points ni Chris Newsome, may tig-15 sina Aaron Black at Allein Maliksi at 12 points, 13 rebounds, 4 assists, 3 steals at 2 blocks si Cliff Hodge.
Sa first game, pumasok ang pabandang runner ni Mark Barroca para ibigay sa Magnolia ang lead, pero kalmadong ibinaon ni Jayson Castro ang 3 para itulak ang TNT sa 93-92 panalo at 2-1 lead din sa hiwalay nilang serye.
Nilista ni Castro ang last 6 points ng Tropang Giga tungo sa 16 points, pang-ayuda sa game-high 22 markers ni Poy Erram. May 15 points at 9 rebounds si Glenn Khobuntin at 15 markers, 10 assists kay Mikey Williams.
Mga iskor:
Unang laro
TNT 93 – Erram 22, Castro 16, M Williams 15, Khobuntin 15, Rosario 8, Pogoy 7, K Williams 7, Montalbo 3, Reyes 0, Alejandro 0, Gauelas-Rosser 0.
Magnolia 92 – Abueva 18, Sangalang 17, Barroca 15, Dionisio 10, Dela Rosa 9, Lee 9, Wong 6, Jalalon 4, Corpuz 2, Laput 2, Escoto 0.
Quarters: 18-24, 47-41, 66-73, 93-92.
Panglawang laro
San Miguel 96 – Perez 26, Fajardo 21, Cruz 15, Manuel 11, Ross 8, Tautuaa 8, Brondial 4, Lassiter 3, Enciso 0, Herndon 0
Meralco 91 – Newsome 16, Maliksi 15, Black 15, Hodge 12, Jose 9, Banchero 8, Quinto 4, Almazan 4, Pasaol 2, Baclao 2
Quarters: 25-24, 46-42, 71-66, 96-91. (Vladi Eduarte)
