Semis Game 5 ngayon (Smart Araneta Coliseum)
3 pm – TNT vs Magnolia
6 pm – Meralco vs SMB
Sa pagbibida ni Raymond Almazan, nauwi sa best-of-three ang semifinals series ng Meralco at San Miguel Beer sa Philippine Basketball Association Philippine Cup matapos ang wire-to-wire 111-97 win ng Bolts sa Game 4 noong Miyerkoles.
Balik ng Smart Araneta Coliseum ang magkatunggali para sa Game 5 ngayong Biyernes.
Napag-aralan ng Bolts na sa Game 3 ay naiiwang bukas ang kanilang malalaki, kaya sa huling laro ay isinubo ang bola kina Raymond Almazan, Cliff Hodge, kahit sina Noy Baclao at Mac Belo.
“Offensivley we were able to get the ball to our bigs,” ani coach Norman Black.
Nanguryente si Almazan ng 17 points, 6 rebounds, panahog sa 21 markers ni Aaron Black at 19 ni Allein Maliksi. May 18 pts. si Hodge.
Napigilan din nila sa second half si Beermen gunner Marcio Lassiter na pumutok ng 20 points sa first half – 18 sa second quarter – pero nakatatlong puntos na lang mula roon.
Si June Mar Fajardo, nakasiyam na tira lang pero naka-13 beses bumiyahe sa stripe tungo sa 21 points.
“You can never stop June Mar, he’s the best player in the league. What you’d rather do is to just don’t let him explode and try to slow down the other guys,” dagdag ni Black.
Pinaghahandaan ng Bolts ang adjustments na gagawin ni coach Leo Austria sa basagan ng 2-2 deadlock. (Vladi Eduarte)
