NI: ROLDAN CASTRO
Malakas ang dating ng Kapuso leading lady na si Elle Villanueva.
Siya ang kapareha ni Derrick Monasterio sa GMA Afternoon Prime series na ‘Return To Paradise.’
Inamin ni Elle na maraming first time na naaranasan niya sa nasabing serye.
“Whenever opportunities come, tinatanggap ko and I’m very open with other roles. Bago sa akin ang daring at kissing scenes, I was so scared. Ang daming challenges sa serye na ito and I’m grateful to be part of it. Nakakapanibago pero masaya,”deklara niya.
Samantala, sa pilot week noong nakaraang linggo ay bumuhos na agad ang positive feedback ng Kapuso viewers at netizens sa kakaibang kwento ng serye at performance ng cast.
Komento ng isang avid viewer sa Facebook, masaya siyang mapanood si Derrick muli sa telebisyon at boto siya kay Elle bilang bagong kapareha nito, “Isa sa mahusay na actor sa GMA, nice to see u again in a teleserye. Grabe halatang magpapakilig ang love team na to, bago pa lang pero may chemistry na. The best talaga mag-partner ang GMA.”
Abangan ang maiinit na eksena nina Elle at Derrick sa ‘Return To Paradise,’ mula Lunes hanggang Biyernes sa GMA Afternoon Prime.
