Philippines
This article was added by the user . TheWorldNews is not responsible for the content of the platform.

Curry bumuwelta kay James

Niresbakan ni Stephen Curry ang dating National Basketball Association player na tumawag sa kanya bilang ‘one dimensional’ player.

Sa Players Choice podcast Sabado, pinangalanan ni Mike James ang kanyang top 5 player sa NBA sa kasalukuyan: Kevin Durant, Joel Embiid, Giannis Antetokounmpo, LeBron James at Luka Doncic.

Nagpaliwanag pa si James na hindi all-around ang laro ng Golden State superstar.

“Steph, how he plays and how he gets stuff off, it’s just kinda one dimensional at times,” ani James. “He’s not the primary ball-handler a lot, and for a point guard that kinda bothers me.”

Lights out kapag si Curry ang tumira – sa rim, perimeter, sa 3. Kayang umiskor off the dribble, off the catch, sa transition at isolation.

SM food to go Banner Ad

Mainam na ball handler, mahusay ding pumasa.

Sa kanyang annual Curry camp, natanong ang superstar kung may kakainin ang kanyang campers kung lalabanan siya one-on-one.

“Oh, it’s all bad for them,” sagot ni Curry. “All bad for them, even as one-dimensional as I am.”

Sino nga si James? Naka-49 games siya sa Suns, Pelicans at Nets noong 2017-18 at 2020-21. Sa Europe na siya naglalaro ngayon. (Vladi Eduarte)