ANG bagong talagang Samahang Basketbol ng Pilipinas (SBP) spokesperson na si Sonny Barrios ang special guest sa one-on-one session ng Philippine Sportswriters Association online forum ngayong Martes, Agosto 9.
Magbibigay si Barrios ng updates hinggil sa Gilas Pilipinas at sa kampanya ng nationals sa third window ng 2023 FIBA World Cup Asian Qualifiers.
Tatalakayin na rin ng SBP executive director ang preparasyon ng bansa isang taon bago maging co-host ng World Cup kasama ng Japan at Indonesia.
Alas-10 ng umaga ang umpisa ng session na hatid ng San Miguel Corporation, Milo, PSC, POC, Amelie Hotel Manila, Unilever at ng Pagcor.
Naka-livestream ang online forum sa PSA Facebook page fb.com/PhilippineSportswritersAssociation at sa Radyo Pilipinas 2 Facebook page. (Vladi Eduarte)
