HINDI pumasa sa pamunuan ng Converge ang pinakita ni coach Jeffrey Cariaso sa 47th Philippine Basketball Association Philippine Cup, sinibak Martes isang araw mula sa huling pagdalo sa team practice.
Nagposte ang FiberXers ng 5-6 win-loss record sa eliminations at isang bigwas lang ang inabot sa TNT sa quarterfinals.
Agad na inanunsyo ng team management ang kapalit niyang si two-time collegiate champion Aldin Ayo, 44, na kabibitaw lang noong Biyernes bilang coach ng Chooks-to-Go 3×3 men’s team.
Hinatid ni Ayo sa mga kampeonato ang Letran Knights na alma matter niya sa 2015 National Collegiate Athletic Association at ang La Salle Green Archers sa 2016 University Athletic Association of the Philippines. (Ramil Cruz)
