Iceland
This article was added by the user . TheWorldNews is not responsible for the content of the platform.

Stuttklippt Kim Kardashian vekur athygli netverja

Myndasyrpan, sem er listræn og óhefðbundin, birtist einnig í tískutímaritinu CR Fashion Book. Tímaritið er hugarfóstur fyrrum ritstjóra franska Vogue, Carine Roitfeld og var stofnað fyrir átatugi síðan. 

Kim Kardashian og Carine Roitfeld eru góðar vinkonur.Dimitrios Kambouris/Getty Images for Tom Ford

Kim prýðir einnig forsíðu tímaritsins en hún og Carine hafa unnið saman í gegnum tíðina. 

„Sturlað að ég hafi verið á fyrstu forsíðu tímaritsins og nú tíu árum síðar er ég enn undir innblæstri Carine Roitfeld. Ég elska þig. Takk fyrir að hafa mig með,“ skrifar Kim á Instagram. Þá skrifar Carine Roitfeld að Kim hafi verið fyrsta listagyðja (e. muse) tímaritsins. 

Myndirnar sína Kim Kardashian alveg stuttklippta með mjóar augabrúnir. Hún er meðal annars mynduð með gleraugu, með klesstan varalit yfir andlitið og á brjóstahaldaranum að kveikja eld. Myndirnar eru teknar af tískuljósmyndaranum Nadia Lee Cohen. 

Einnig birtist viðtal við Kim í tímaritinu þar sem hún ræðir meðal annars mikilvægi þess að berjast fyrir því sem maður vill, vera maður sjálfur án þess að afsaka sig og á sama tíma búa yfir hlýju og góðmennsku. Þá ræðir hún einnig réttarkerfið í Bandaríkjunum en undanfarin ár hefur Kim barist fyrir réttindum fanga og þá sérstaklega þeim sem eiga yfir höfði sér dauðarefsingu. 

„Ég held að það stærsta sem mér hefur enn ekki tekist að áorka, er stöðugt í forgangi hjá mér og ég get ekki áorkað á eigin spýtur, varðar réttarkerfið okkar og fangelsiskerfið og hvernig það er rekið. Ég vona að ég geti haft áhrif á það að einhverju leyti á minni lífsleið.“