Iceland
This article was added by the user . TheWorldNews is not responsible for the content of the platform.

Spilaði og skoraði eftir allt fjaðrafokið – Fagnaði ekki mikið

Victor Osimhen spilaði fyrir Napoli í gær í skugga mikils fjaðrafoks í kringum leikmanninn.

Napoli birti afar óviðeigandi myndbönd á TikTok reikningi félagins þar sem grín var gert að Osimhen. Myndböndin birtust á opinberum reikningi félagsins en þau sýndu vítaklúður Osimhen um helgina annars vegar þar sem búið var að bæta inn í furðulegri lýsingu. Augljóslega var verið að gera grín að leikmanninum.

Í hinu myndbandinu var Osimhen líkt við kókoshnetu.

Þrátt fyrir þetta spilaði Osimhen fyrir Napoli gegn Udinese í gær. Ekki nóg með það, kappinn skoraði í 4-1 sigri Napoli. Fagnaðarlæti hans voru hins vegar í hóflegri kantinum.

Vandamálunum utan vallar er þó líklega hvergi nærri lokið. Osimhen og umboðsmaður hans íhuga lögsókn á hendur félagsins.

Svo gæti farið að framherjinn krefjist þess að fá að fara í janúar. Ef svo verður er talið að sádiarabísk félög séu líklegust til að hreppa hann en Real Madrid og Chelsea eru einnig á meðal áhugasamra félaga.