Iceland
This article was added by the user . TheWorldNews is not responsible for the content of the platform.

Dularfull skemmdarverk í hjarta Rússlands valda ótta

Djúpt inni í Rússlandi, órafjarri vígvellinum í Úkraínu er Chkalovsky-flugvöllurinn. Hann er um 20 km frá Moskvu og því hefur nýlegur atburður þar vakið miklar áhyggjur og ótta meðal Rússa. Að minnsta kosti ef marka má það sem úkraínska leyniþjónustan DIU skrifar á Telegram um atburðinn.

Þar segir að óþekktir aðilar hafi brotist inn á vel vaktaðan flugvöllinn og sprengt tvær flugvélar og eina þyrlu.

Flugvélarnar og þyrlan skemmdust að sögn svo mikið að ekki er hægt að gera við þær. En það er ekki það sem er verst fyrir Rússa því DIU segir að það hafi valdið miklum ótta meðal yfirmanna rússneska hersins að skemmdarverkamönnum hafi tekist að brjótast inn á herflugvöll í hjarta Rússlands.

Auk þess að koma með nákvæmar lýsingar á aðgerðinni birti DIU nokkrar ljósmyndir til staðfestingar.

Myndirnar eru ekki mjög skýrar. Mynd:Defence Intelligence of Ukraine

Ljósmyndirnar eru mjög óskýrar en þær voru að sögn teknar eftir skemmdarverkin og sýna skemmdirnar á flugvélunum.